كلمات اغنية كتبتك قصيدة محمد الماسي 2022

عيونك تواعدني على الصدّ يوم القاك

وعطرك يرد الدم داخل شراييني

ذبحني ظماي اللي هجرته فـ درب شفاك

وانته تبعّدني عن الما وتدنيني

سقى الله ابتسامتْك وجنوني وغض صباك

الا يا الطف من الغيم وش بك معنّيني

تمنّيتك اتْمَرّ الضلوع وتسوق خْطاك

تشوف الغرام فْ داخلي بينك وبيني

يا حلمي وعمري واهتمامي عساي افْداك

بدونك يضيع العمر واجهل عناويني

تطول الليالي دون وصلك ودون رْضاك

بدى للسهر بيت ومواعيد في عيني

كتبتك قصيدة في خفوقي عشان اقراك

يا أجمل خيالاتي واجمل مضاميني

أحبك واحب مْواصلك واعشقك واهواك

عسى كل دربٍ ياخذك يجمعك فيني