كلمات اغنية لقى العيد محمد الماسي 2019

لقى العيد 

أقبل علينا العيد يا منوة الروح

والرّوح في قربك تزايد فرحها

لهفة خفوقك بيّنَت ما تِبا بوح

هيبة سلامك من غرامك شَرِحْها

لا تربِك اعيوني والإحساس مفضوح

خفّف على روحي شعورٍ ذبحها

لك ودٍّ امنزّل ومكتوب في اللّوح

منحة حياتي خالقي لي منحها

غنّى لقانا الطير في عالي الدّوح

وأشواقنا م العام مابغي جَمِحْها

مثل الذي من شح الايام مجروح

وصلك دواه وسلوته لي ربَحها

لو آتهرّب واخجل وأبدِي الشّوح

وآخفّي الفرحة وأحاول كَبِحها

لواعج الوجدان ثارت على الرّوح

ماتمتثل لو بجتهد في نصحها

خذ من يديني عهد من قبل لاتروح

وعيّد أسيرٍ ساحتِك ما بِرَحها

الصّد مامنّه فوايد ومربوح

زلّاتنا في العيد جاري مسِحْها

بوضوح بيّن لي وبابوح بوضوح

خلّ الليالي تنجلي عن صِبِحها

عيدي لقاك وثالث العيد مسموح

لبّى ديارٍ فوع عطرك لفَحها