كلمات اغنية ماضينا محمد الماسي 2024

حبايبنا سلامتها مشاعركم

عسى ماشرّ تغيّر ودّكم فينا

اذا من ودّنا طابت خواطركم

عسى الأيام ما تمحيه ماضينا

زمانٍ كان فيه الشّوق عادتكم

وتسهر م الوزا اعيون المحبّينا

تقرّبتوا يَ لين اتشابكت معْكم

شرايين الفواد السّالي اسنينا

محبّتنا تشابهها محبّتكم

ولانقّص غلانا من عذل فينا

حشمنا قدركم وامست مراتعكم

شمال الروح مرّه.. ومرّه ايمينا

نعادي مِن من الغيره يحاربكم

وندفع عنّكم هرج المعادينا

وانتوا في البعِد سقتوا ركايبكم

تغلّيتوا وفرّحتوا الحسودينا

سنين الوصل تشفع للخطا منكم

نمدّ الطّيب راضين وموفّينا

عسى في بعدنا اتنالون خيرتكم

و نلقى عقبكم م الناس غالينا