كلمات اغنية هاذا شتانا محمد الماسي 2017

يا زين ضون شبها مالمناعيير

قبل الغروب وكاسف الليل حايبه

في ولفت العربان حشمه وتقدير

نعم الرجال وكنت النفس طايبه

في ناضر اصغرهم تشوف التباشير

وش عاد فلي طايل العمر صايبه

يعطيك من ويه البشاشه تعابير

تغنيك عن صرف الزمان ونوايبه

عقب الفرايض والسنن لو مساهير

بتنا مع قماري وسهرو قرايبه

والنفس ما ياها مغثه وتكديير

لاحت على لفح البراد وهبايبه

ون دار بالفنيان والدله تسير

فكك من الصوع وتعافت سبايبه

والشله أن ناحت كضرب المزامير

رعدت قرايح وبرقت في سحايبه

لي قامت الرزفه واهلها طوابير

دارو هل اليوله بيولات لايبه

والعد في حله وضح دون تفسير

يطرب له السامع ويضوي حبايبه

قولن تفند في وصوف الغنادير

يسري به الساري وسرا كتايبه

راعي المقال فسير حكمه وتدبير

خذ ما بغا الخاطر وسدد ضرايبه

ون سولف الرامس لقاله جماهير

تسمع ولا تقطع على علم يايبه

هذي المدارس لي لها فيك تأثير

وتزيد من علمك علومن توايبه

قبل الزمن يزقر ومن دون تقصير

ردييت له وافي البيان وطلايبه

هذا شتانا والشتا عندنا غير

والا مثلنا وين شدت ركايبه

يا زيين ضون شبها مالمناعيير

قبل الغروب وكاسف الليل حايبه