كلمات اغنية الزين كله محمد المنهالي 2023

مرني لي فيه كل الزين كله

م القدم لي هامته مافيه حيله

في حجر عينه والاهداب المظله

سحر هاروت وحكاية الف ليله !

من نظرها راح دربه مايدله

اختلف فكره ولا حصل دليله

سيّدات الحسن جمعاً يخضعن له

لان هو واحد ولا غيره مثيله

الخدود مقسماتٍ ك الاهله

او كما البراق في ليلي اخيله

يسفر الداجي وينور في محله

من جبينه لو يغطيها بشيله

وان مشا والريح ياتي عاكسله

شفت موتي في تعازيله وميله

شيب عيني من تحاسينه ودلّه

كل من شافه غدا يا عزتيله

ياعويد الموز في ظلٍ يظله

في بساتين العلاه اللي ظليله

لاتسمع من ظلمني ظلم خله

استمع لبيات خلٍ في خليله

انت فيك الحسن من دِقه وجّله

يا الجميل اللي فلا انسا جميله

انت ذابحني ولا عندي ادله !

وربي يحاسب قتيلٍ في قتيله