كلمات اغنية المرابيع محمد ال دلبج 2021

عليك الفرج يا اللي لك الحمد والتكبير

لو ان الليالي تلِحق الغاره الغاره

ماغيرك الى كثرت ظروف السنين يجير

الى قل سعر المال سهمه ودولاره

لو الارض واهل الارض تحتاج للتطهير

عفو ربنا اكبر من خطا العبد واصراره

ما والله تزول النعمه الا من التبذير

وكثر الشكر يرسل لك السحب مدراره

وعلي الارض تصبح كل ماضقت عين بعير

إيلين اذكر الي حط للذنب كفاره

وترا الطير وده كل شبّة نهار يطير

والى رف جنحانه لوا السبِْق صقاره

لونه يطير الطير يمكن يحصل خير

لاكن ما يخلى يشِبع الطير منقاره

وانا خاطري قد له زمن مثل نفس الطير

لكن خاطري ماهو يداويه شنذاره

مايبري مواجيع الخواطر ياكون السير

وحوال في وادي ومشراف في قاره

ابوج الفيافي من صلاة الفجر لعصير

ذراعٍ على التكيه وكفٍ على الطاره

على شف من يشرا لها كل عامٍ ظير

ولدها الى بشرّت به جاتك ابشاره

على ساس زينٍ مرمس وساسها من طير

حنازيب عربٍ عندها البدو دجاره

يوم ان العرب يجمعهم القيض فوق البير

تشوق الورود وفي المواريد هداره

مرابيعها الوادي الى اقصا طوال مطير

لاقالو عمود العشب ربله وصفاره

اتربع والى ملّت انخلي الظعون اتسير

معا مقطع يجنب وجوده على يساره

اتحول على مشهاتها دون شور مشير

ولا زل الربيع اتشوف كلٍ يبا داره

على شفها نكرم وتكرم من التقصير

قبل يملك الرجال فله وسياره