كلمات اغنية فراقك يا يبه محمد بن جعيد 2022

( فراقك يا يبه )

رحل راعي الكلام الزين راعي الاوله والجاه

رحل قلبي وخلاني كسير | وحالتي حاله |

فراقك يا يبه والله ما يقوى .. ولا اتمناه

فراقك سَيل دموعي وهذي | ناتج افعاله |

يبه مالي بعد غيبتك ياكود الحزن والآه

بعد ما كنت أطيب إلاعلى( طلته وقباله )

( تمنيته وداريته ولكن … القدر يبغاه )

نهاية قدرة الله تآخذ ..( الطيب وتشتاله )

بكت سجادته لجله ماهي مستوعبه فُرقاه

وهو دايم يصلي فوقها ..( ويسبح لحاله )

بكاه المسجد وكل الاماكن فاقده ممشاه

عسى ربي يكافي راعي ( الحسنات بعماله )

في الميقاف لا منك طلبته حاجتك تلقاه

كريم يدين ماشحت يمينه من عطى ماله

يجيه الخايف المنضام يلقى من يسد حماه

ويا صبرٍ بقلبه يا عرب ويا .. ( وسُع باله )

عطى لناس درس في الكرم والطيب من دنياه

ترك ناسٍ تحبه من وفاء ما ( تدعي إلا له )

فمان الله يا وجهٍ رحل في ( داخلي مغلاه )

رحل عني وخلاني كسير .. (وحالتي حاله )