كلمات اغنية عاذرك محمد بن غرمان 2024

جيتني واثر الليالي

ما تزين الا معاك

وانت يا كبرك بعيني

من قبول اليا قبول

طحت في حبك وقربك

قبل اشوفك في لقاك

صرت لي مثل الاماني

دونها كل الحلول

آخ يا رمشة عيونك

وآخ يا لحظة جفاك

وآه يا الزين المحلل

و’ه يا الظبي الجفول

ماخذن كل الوصايف

اشهد ان ربي عطاك

فارقن في حسنك اللي

ما يماريه اي زول

لكن ان كانك مشكك

في غلاك وفي حلاك

انتزع قلبي وشوفه

كنك الحالك تجول

ما حسبت احساب هجرك

يوم ابين في غلاك

لين ما خابت ظنوني

والهجر عمره يطول

رح في امان الله ربي

ما خذاك الا هداك

عاذرك لو المحبه

بين حول وبين حول

ايه يا وقتٍ تغير

واخلف الهقوه هذاك

وايه يا حبٍ خذاني

من ميول اليا ميول

تذكريني لا عرفتي

قيمتك للي خذاك

ولاّ انا بوكل الله

وانت حبك ما يزول