كلمات اغنية عليك اخاف محمد بن غرمان 2024

انا اللي ما كسرني شي

ولا ابكي من مفارق حي

لكن ساعة وداعك يوه

بكيت وانكسر كل شي

ترا كل الحنيا تبوح

توادعك وتقول مسموح

سوا قلباً رفض توديعك

وقرر معاك يروح

اقدر عذرك الطاهر

لو انه مؤلم وقاهر

عسى حظ حظى بلقاك

كريم ويشرح الخاطر

قرارك كان بمحله

ولازم اتهيء له

لو انه يمسك عروقي

ويقطعها على مهله

في ليلة عمرك التواق

في عينك دمعة المشتاق

يحسبونه دموع افراح

وانا ادري انها دموع فراق

عليك الابيض الجذاب

اشوفه من ورا هالباب

دخيلك عيشي الفرحة

لايكشف حزنك الاغراب

عليك اخاف من الايام

لا تجفى وردك وينسام

وانا اعرف قيمته واشوفه

اول واخر الاحلام

اخاف ان الزمن يجفاك

ويجي حظٍ ماهو يسواك

ويجفى درك المكنون

ويرخص بسمة محياك

حللتي مثل غيم و نو

ربيعه مزهر و محلو

ورحتي والربيع اتلاك

وظلم من وراك الجو

وانا اقلك فمان الله

وقلبي يقول لا بلله

وعيني تقول وش ذنبي

وروح تقول انا لله

فمان الله يا اغلى من

بناء في قلبي المسكن

وخلى داره و هاجر

وداره تحتري وتحن

احتاج لموقف انساني

يردّ النور لاعياني

يا نور راح مني لجل

ينوّر عالمٍ ثاني