كلمات اغنية لا تنشديني محمد بن غرمان 2025

وش تنشديني عنْه من ماضي قديم وذكريات

لا تنشديني توني يا معشر أحلامي بديت

كنّي سنين الله عن صحوة غرامك في سبات

وشلون اسولف لك عن ايامي وانا توّي صحيت

عمري سنه، والأربع وعشرين عام الضايعات

طاحت على بابك ولو مايدك فكتّه انتهيت

شفت الحياة بشوفتك ما عاد فالدّعوه ممات

عز الله انّي من هذاك القبر يا الجبر اكتفيت

استأذنك، نبغا سوالفنا متاع ومغريات

لو عاد باذكر شي من ما عشته بدونك بكيت

ما فاتك الا برد زعزعني وانا أزيف ثبات

لا تنشديني عن ملول الليل، ما اصدّق نسيت

ما فاتك الا وقت خلاّ عظمي القاسي فتات

لولاك كان نْثِرته هبوب الصواديف وهويت

ما فاتك الا بعثرة فكر وبقايا أمنيات

لولاك كان اغلب قصيدي لا يزَل علّ ويا ليت

ما فاتك الا قلب من جور السنين اصبح رفات

لولاك كان القبر ضمه، لا هوى ولا هويت

ما فاتك الا معركه ما بين عقلي والشتات

لولاك عمري ما بدا توّه بدا يوم انت جيت