كلمات اغنية يا عنيده محمد بن غرمان 2023

‏الصدور أطرافها مترامية والليل هادي

‏لا يروح الليل قبل أستنطقه وأخذ جديدة

‏كل ما سقت القدم بين المبادي، والمبادي

‏إعترض لي طاري الشوق وخذيت الشعر بيده

‏أرتجل للشرد من الصيد عن صهوة جوادي

‏وأعتق اللي من سهولة صيدته كلاً يصيده

‏لو خذتني غايتي وأبطيت يا غاية مرادي

‏والمسافة كايدة والحب باقي له ش ريده

‏إحتريني وإلبسي لي كل لون إلا الرمادي

‏الرمادي كل ما أشوفه عرفت إنه مكيدة

‏ودّي أضحك من بعد طول المعاتب والتمادي

‏ضحكة اللي يضحك من أدناه حاجة من حفيده

‏زمّليني من هواجيس الغياب إلا إرادي

‏إن ذبحني طاري الفرقه وش أنت مستفيدة؟

أعبري بي لا غدي عادي وأنا مانيب عادي

‏الحريص تورده للموت غلطته الوحيدة

‏يا عنيدة ما معي صبراً مثل صبر المهادي

‏لا تعذرّتي مثل عذر المعقّد بالعقيدة

‏في رجا الله ما يخليني لجّدي وإجتهادي

‏ما رجيت إلا وعده ولا خشيت إلا وعيده

‏لا استوت في عيونك الثنتين قربي وابتعادي

‏والظروف أقسى من الماضي على اللي يستعيده

‏المصافح في القلوب أصدق من مصافح الأيادي

‏إسمحي لي كل يوم أصافحك وأنت بعيدة

‏لا تحاتين الضمى والجوع في رحلة جهادي

‏الحظوظ مقسّمة والذيب ما ياكل وليده

‏شاعرك لا هاموا أصحاب الشعر في كل وادي

‏مستعد يوقّف الدنيا على مطلع قصيده