كلمات اغنية غنوه رومانسية محمد زهير 2022

عارف لما تشوف الدنيا بعيون تانيه

كأنها كانت أبيض وأسود

وف ثانيه اتقلبت ألوان

عارف لما تحس بهبده وتوهه وخضه

وإحساس يخطف عقلك منك

ويسيبك زي السكران

لما الأحاسيس المنسيه

تلقاها ف غنوه رومانسيه

فتلاقي كلام الأغنيه

بالمللي بيوصف احساسك

لما النداهه تندهلك

والشوق جواك ياخد عقلك

والحظ اللي زمان اتجاهلك

هيظبط نفسه علي مقاسك

انا كل ده عمري ما عرفته ولا يوم شوفته

غير وانت حبيبي يا حبيبي

و لا كان يخطرلي علي بال

طاب هتصدق لو قولتلك اني بحبك

من قبل ما اشوفك ولا اقابلك

من وانت يدوب لسه خيال