كلمات اغنية اخويا الصعيدي محمد سلطان 2022

أخويا الصعيدي

اللي تراب الأرض بيشهد بشهامته وبيحلف بيه

اللي في عز الهيبة والقوة، طيبة قلبه تبان في عينيه

راجل جد لوحده يسد في أي مكان بينزل فيه

اِسمه لوحده يشرف دولة، وكفاية رضى ربنا عليه

أخويا الصعيدي

تعرفه من وسط الرجالة

طيبة وهيبة وإيد شغالة

شهم أصيل والجدعنة طبعه

ومالوش في خيانة ولا ندالة

وسط النار بيفوت ويعدي

عنده ضمير عمره ما بيصدي

قلبه حديد لو وسط ديابة

مش مغرور ولا إنسان مادي

لحمه مر وعظمه ناشف

تعرفوه في كل المواقف

في الشهامة عملة نادرة

سبع وسط الدنيا واقف

دمه حر وطبعه حامي

اِسمه غير كل الأسامي

الشجاعة في دمه ماشية

اللي يوقف قدامه يعاني

ابن أصول شهم ويستاهل

لو بكنوز المال يتاقل

عمره ما يجي في يوم على حد

معروف عنه إنه أحسن راجل

كل ديابة الليل بتهابوا

كل الناس تعمله حسابه

واسألوا عنه طوب الأرض

أرجل واحد وسط اصحابه

أول ما طفل بيتولد

بيعلموه يطلع أسد

بيعلموه الذوق والأدب

وإزاي يجيب رزقه الحلال

في أي حاجة بيشتغل

عمره ما قصر في العمل

لو شال حمول قد الجبل

ما يوطي رأسه عشان المال

يتعب يشقى ويجي على نفسه

بس يكولها بلقمة حلال

متربي كده ع الخير والطيبة

فيه قوة فارس خيال

صاحبي صعيدي وجده صعيدي

أحسن ناس بلد الأبطال

واقف جنب الدنيا بحالها

مهما تضيق بيه الأحوال

راجل واثق أوي من نفسه

عند شجاعة وقلبه حديد

لو في حد جيه يوم على حقه

تلقاها نار والعة وبتقيد

لحمه مر وعظمه ناشف

تعرفه في كل المواقف

في الشهامة عملة نادرة

سبع وسط الدنيا واقف

دمه حر وطبعه حامي

اِسمه غير كل الأسامي

الشجاعة في دمه ماشية

اللي يوقف قدامه يعاني