كلمات اغنية الربحانه محمد سلطان 2023

ع المظبوط

اخوكو دوغري في اليمين ديما بفوت

الضحكة في وشي مبتسبنيش ديما مبسوط

عادي اللي يغير هنسيبو واللي يطق يموت

ميشغلنيش

ربك معايا واللي يمشي ميلزمنيش

مسنود علي الله يعني الناس متوقعنيش

انا رجلي في غير الصح بترجع مبتمشيش

لو جاي تلعب ب اصول

هبصيلك وتجيب جول

انما هتخيب وتسوق في العيب

اركن محناش من دول

احنا بنلعبها مبادئ

ونحب الراجل الصادق

نديك م الحلو لكن تحلو

هتشوف الوش الحادق

اللي شبعان ربايا

ميجيش علي الولايا

وانا مش محتاج لسيط

علشان اعمل دعايا

انا ولا هعمل ولا اسوي

جو الغل ده مش جوي

انا مش مسنود بالناس

مسنود بالله ومتقوي

ع الربحانة

مبحبش ارمي كروتي ع الكفة الخسرانة

ع الربحانة

مبحبش اندب حظي حظي وأبكي مع الحزانا

انا احب ان رجلي خطت تبقي في سكة تكون كسبانة

كده مربوحة

كل البيبان في وشي بأذن الله مفتوحة

كده مربوحة

كلمة خسارة عندي من القاموس ممسوحة

لو خدت عني صورة وحشة استني اجيبلك لوحة

شايفني ازاي مش فارقة

انا لوحدي بلاعب فرقة

مش جاي ف تسالي بختفي مع حالي

وببان في الحالة الطارئة

انا بتاع اللحظة الحاسمة

انا بظهر وقت الأزمة

اسف معلش مليش في الوش

الرغي ده ملهوش لازمة