كلمات اغنية الغل مش باين محمد سلطان 2024

طول مالغل مش ياين

لكف إيدك اوعي تأمن

واتوقع الضربه تجيلك

من اي حد مفيش ضامن

حيتانها طاحت في سمكها

وكلها بترمي شباكها

والعشره هانت علي كله

وكلوها براسها وبشوكها

مابقتش ماشيه خلاص بالحب

بقي كله في المصلحه بيصب

وكفة الإخلاص خفت

وللأسف مابقتش تطب

لا عيش ولاملح بقي يطمر

ولا للأصول حد بيكبر

في قريب غريب هاتتعشم

هتصوم وعلي بصله هتفطر

إسند دروسك علي سنك

لا الدنيا بالغدر تسمك

دا يوم مارجليك هتخونك

هتشوف حاجات فيها تجنك

ماتتعشمشي في الكتره

ولا في العدد وتقول ستره

ماتتنفخشي وتتعنطظ

لا تصحي وتفوق علي إبره

سيب مسافه ماتقربشي

من اي حد ماتضمنشي

دي كلها بتقلب فجأه

وبتعض فتح ماتنامشي

الدنيا بقي حالها يخوف

والصدق بقي تمنه مكلف

والغدر بقي أسهل حاجه

وبلاوي عماله تتحدف

نجيب منين حد حنين

وقت الوجع يجي ويطبطب

يادنيا فيكي الحنيه

وف قلب ناسك بتشطب

لا قريب بقي بيسند مايل

ولا الغريب صافي النيه

واللي احنا خيرنا عليه جمايل

بيردها جحود و أذيه

أيام ماهش جدعه معانا

ولا ناسها جايه علي هوانا

وادينا عايشين بنأدف

بسفينه غرقانه غرقانه

دبابير وكلنا نازلين قرص

وخيول في بعضنا نازلين رفس

رخاص وبايعين نفسينا

ومبادئنا كلها هلس في هلس

عقول في راحه وغيبوبه

ونفوس مريضه ومعيوبه

سايقنا في الدنيا طمعنا

ومستعبداناا السبوبه

الناس خلاص نسيت روحها

والقرش بقي كل طموحها

خلا اللي ملهوش في القسوه

يشوفله قطه ويدبحها

علي رزق بعض بيتحاربوا

واللي تكسب بيه العبه

في الوش يضحكوا قدامك

وفي الضهر سكاكين بيخبوا

حبل واتساب ع الغارب

توب الأصول بقي توب دايب

والمشي جنب الحيط عيبه

والمحترم مبقاش عاجب

كله بقي كاره غيره

وتملي مستكتر خيره

وبنوك العشره خسرانه

ورصيد الود فيها زيرو