كلمات اغنية بيخونو العشره محمد سلطان 2024

آه، آه بيخونوا العشرة، وع الخاين يدعوا أمين

خلق ذهب قشرة، وعايشة معانا بوشين

عاملين قدامنا ملايكة وهما يا ساتر

نيتهم وضميرهم أسود من الطين

ضحكتهم صفرة، ومش صافية ومش سالكين

ناس ظالمة وقادرة، وإخلاصهم لينا كمين

عايشين ويانا بميت وش وميت لون

ودموعهم وكلامهم سم وسكاكين

هي الدنيا قامت قيامتها ولا إحنا اللي بقينا جاحدين

إيه اللي جرى لنا اتغير حالنا للأسوء ليه يا بني أدمين

عايشين ناكل ليه في بعضينا ونتلون زي الثعابين

وأخلاقنا بقيت قلة قيمة وما ترضيش ربنا ولا دين

هي الدنيا اللي بقيت غابة ولا احنا اللي بقينا وحشين

جبنا منين الكره ده كله للدرجة دي بقينا قاسين

وماحدش بقى عايز يرحم واللي بيقدر يعفى بيظلم

وسرعتنا دنيتنا يا رحمن يا رحيم

آه، آه من لحمي ودمي ومش راحمني وحالفين

ما يشيلوا يوم همي ولا يمسحوا دمعي وأنا حزين

قرايب بالإسم لكن فعل وحنية مفيش

كارهني وحاسدني ع اللي في إيدي باصيين

عامل فيها صاحبي وعشرة عمري وأنتيم

وعمره ما صان غيبتي ولا حرمة بيتي لئيم

فتحت له ياما بابي وأكلته من خيري سنين

وما صانشي ما قدرشي جدعنتي بمليم

هي الدنيا قامت قيامتها ولا إحنا اللي بقينا جاحدين

إيه اللي جرى لنا اتغير حالنا للأسواء ليه يا بني أدمين

عايشين ناكل ليه في بعضينا ونتلون زي التعابين

وأخلاقنا بقيت قلة قيمة وما ترضيش ربنا ولا دين

هي الدنيا اللي بقيت غابة ولا احنا اللي بقينا وحشين

جبنا منين الكره ده كله للدرجة دي بقينا قاسين

وماحدش بقى عايز يرحم واللي بيقدر يعفي بيظلم

وسرعتنا دنيتنا يا رحمن يا رحيم