كوبليه ما هي كلمات اغنية فى ايه محمد سلطان ...؟
تاريخ طرح اغنية محمد سلطان الجديده فى ايه
٢٦ يناير ٢٠٢٣
كلمات اغنية فى ايه محمد سلطان 2023
جرا ايه يا اخوانا
دي دنيا مهيش جنة
ربك قسمها على المخاليق
وشمال ويمين
لو مش راضيين
الدنيا هتفضل برضه تضيق
ما هو طول ما طمعنا عامينا
مهما هنكسب ملايين
عمرها ما هتملا عنينا
مهما بنكسب ناقصين
الرزق كتير فـ ايدينا
لكن علشان باصين
على رزق الناس حوالينا
البركة هتيجي يا عم منين
احسد واحقد على ناس تانية
عبي ولم فلوس الدنيا
طول ما انت بتطمع مش راضي
اللي هيجي هيمشي فـ ثانية
والله اللي فـ خير يستاهله
رزقه ورزق حبايبه وأهله
احنا فـ نعمة واللي ناكرها
بكره النعمة تزول من جهله
جرب ترضى قليل وزيادة
ربك يرضى عليك تتراضى
طول ما احنا بنغضب والله
لسه الخير هيقل يا سادة
رزقك جايلك ما هو على اسمك
متخليش الرزق خصمك
لا هتاخد أكتر من رزقك
ولا حد فـ رزقك هيقاسمك
في ناس شقيانة
وناس نايمة جعانة
حامدين ربنا راضيين بالحال
وانت اللي فـ نعمة
وبتعمل أعمى
وبتحسد عمال على بطال
بتقول اشمعنى فلان
ليه عنده وأنا معنديش
ومعاك لكن طمعان
بكره هتصحى على مفيش
احمد ربنا عالخير
غيرك مش لاقي العيش
غضبان وفإيده حرير
بكره هيتمني يلاقي الخيش
احسد واحقد على ناس تانية
عبي ولم فلوس الدنيا
طول ما انت بتطمع مش راضي
اللي هيجي هيمشي فـ ثانية
والله اللي فـ خير يستاهله
رزقه ورزق حبايبه وأهله
احنا فـ نعمة واللي ناكرها
بكره النعمة تزول من جهله
جرب ترضى قليل وزيادة
ربنا يرضى عليك تتراضى
طول ما احنا بنغضب والله
لسه الخير هيقل يا سادة
رزقك جايلك ما هو على اسمك
متخليش الرزق خصمك
لا هتاخد أكتر من رزقك
ولا حد فـ رزقك هيقاسمك
اغنية فى ايه محمد سلطان 2023 بالكلمات مكتوبة كاملة من كلمات احمد غريب والحان محمد سلطان وتوزيع اشرف البرنس تم طرح اغنية محمد سلطان الجديدة على القناة الرسمية على اليوتيوب بتاريخ ٢٦ يناير ٢٠٢٣ كوبليه كلمات اغنية
- كلمات : احمد غريب
- الحان : محمد سلطان
- توزيع : اشرف البرنس
