كلمات اغنية قرار نهائي محمد سلطان 2021

قرار نهائي

المولد خلاص إتفض، وقراري خدته خلاص

أنا قفلت باب الود، ب ١٠٠ رزة وبترباس

أنا جاتلي عقدة بجد، من قلة الأخلاص

ما بقتش طايق حد، ولا عايز أعامل ناس

أنا أموت وحيد ولا إني، أعامل بشر ظالمني

وبايعني، وشايفني، ما إتشالشي فوق الراس

أنا هعتزل دنيتكوا، وهعيش لنفسي عشان

تعبت من عمايلكوا، سامحوني منا إنسان

ضيعت عمري أوفيلكوا، وأطلع جدع وأتخان

لا عاد فيا حيل أسامحكوا، ولا أدي حد أمان

بناقص تغور لمتكوا، وإقصص كل بالألوان

إنتوا الشمال سكتكوا، وأنا للأسف غلبان

برجوله مهما أعاملكوا، مبتطلعوش جدعان

وفي عيني مهما بشيلكوا، بطلع أنا الغلطان

صحيح هعيش وحدي، لكن هعيش في أمان

من شركم محمي، ومن غدركم متصان

في بعدكم راحتي، وفي غيابكوا مش قلقان

أنا معايا ربنا، وإللي مع الكريم كسبان

لا هموت من الجوع يعني

ولا بعدكوا هيوجعني

ومين فيكوا، كان نفعني

وأنا في شدتي غرقان

أنا هعتزل دنيتكوا، وهعيش لنفسي عشان

تعبت من عمايلكوا، سامحوني منا إنسان

ضيعت عمري أوفيلكوا، وأطلع جدع وأتخان

لا عاد فيا حيل أسامحكوا، ولا أدي حد أمان

بناقص تغور لمتكوا، وإقصص كل بالألوان

إنتوا الشمال سكتكوا، وأنا للأسف غلبان

برجوله مهما أعاملكوا، مبتطلعوش جدعان

وفي عيني مهما بشيلكوا، بطلع أنا الغلطان