كلمات اغنية قصة كفاح محمد سلطان 2022

أنا ما بقتش حاجة من لا شيء ولا من فراغ

دا تعب سنين جري وشقى، وتشغيل دماغ

عملت نفسي بنفسي ومن الصفر إبتديت

لحد ما مسكت بإيدي حلم، ياما مني زاغ

أنا الدليل على إن في حاجة إسمها قصة كفاح

وإن إللي يتعب طول حياته مسيره يوصل، للنجاح

تعبت وتزليت كتير في حياتي وعنيت

متبصوليش دلوقتي، بعد ما بقيت حاجة ومرتاح

أنا جبتها من تحت، شقيت وكافحت

علشان بس أوصل لمكاني

عاندت أوحت، ولا يوم ريحت

ولا إستسلمت لأحزاني

أنا جبتها من تحت، شقيت وكافحت

علشان بس أوصل لمكاني

عاندت أوحت، ولا يوم ريحت

ولا إستسلمت لأحزاني

عافرت صبرت، وإديني وصلت

وفي الآخر ربنا أهو أداني

وفي الآخر ربنا أهو أداني

إنتوا ياللي بتحسدوني عشان بقيت وسط النجوم

كنتوا فين وأنا ضهري محني، ومن الشقي مقسوم

وأما كان بيجي وقت عليا ببكي من الهموم

وأما كنت بنام قتيل، ومن التعب مقدرش أقوم

كل قرش في جيبي حقي

ورزق ناس ياما في رقبتي

وحمل شيلته فوق كتافي

ضحيت عشانه ياما بسعادتي

وأم ليل ونهار بتدعي

لربنا ينفخ في صورتي

وذل شفته كتير بعيني

من ناس كانت مش عارفه قيمتي

أنا جبتها من تحت، شقيت وكافحت

علشان بس أوصل لمكاني

عاندت أوحت، ولا يوم ريحت

ولا إستسلمت لأحزاني

أنا جبتها من تحت، شقيت وكافحت

علشان بس أوصل لمكاني

عاندت أوحت، ولا يوم ريحت

ولا إستسلمت لأحزاني

عافرت صبرت، وإديني وصلت

وفي الآخر ربنا أهو أداني

وفي الآخر ربنا أهو أداني