كوبليه ما هي كلمات اغنية كلنا مرضى محمد سلطان ...؟
تاريخ طرح اغنية محمد سلطان الجديده كلنا مرضى
١١ أغسطس ٢٠٢٢
كلمات اغنية كلنا مرضى محمد سلطان 2022
ألف حسرة والف اه
ايه يا بنادمين
الأذى أسلوب حياة
هو مين مع مين
ليه ميزان الدنيا مال
كلها بتخيب
والأصيل ابن الحلال
يدفع المشاريب
اللي برة بشر وناس
بس جوه النية طين
هي بتشطب خلاص
والقيامة كمان يومين
كلنا مرضى وفينا بلاوي وربك ساتر
مبقاش لينا فـ خير ولا لينا فـ جبر الخاطر
اللي بيمشي يمين بنعيبه وطالع عينه
واللي بيمشي شمال بنقوله براڤو وشاطر
دنيا دي ولا مصحة وفيها نفوس عيانة
تدي الناس اخلاص يدوك بالباقي خيانة
الناس ماشية تقطع بعض ودايرة اذية
رحمة ونور بقى عالناس الجدعة الشبعانة
ألف حسرة عالقلوب
عبتوها سواد
الذنوب بتجيب ذنوب
واتملا العداد
كله مستحلي العيوب
والغلط يتعاد
وقفوا عالحق اللي مات
نص ثانية حداد
الاصول طلعت معاش
والندالة حسن سير
ألف حسرة عاللي عاش
فاكر إن الناس بخير
كل شوية تزيد الدنيا فـ عيني وحاشة
دا احنا بقينا نجيب الناقص نعمله باشا
الجدعان اغراب فـ الدنيا وسفوا ترابها
والأندال بالصلاة عالنبي ماليين الشاشة
الناس ليه للعيبة بتعمل احلى دعاية
لأ والله الدنيا خلاص مش جاية معايا
انا مش عارف بس مكمل فيها ازاي
ماشي ببركة دعا والديني جنب دعايا
اغنية كلنا مرضى محمد سلطان 2022 بالكلمات مكتوبة كاملة من كلمات احمد غريب والحان محمد سلطان وتوزيع اشرف البرنس تم طرح اغنية محمد سلطان الجديدة على القناة الرسمية على اليوتيوب بتاريخ ١١ أغسطس ٢٠٢٢ كوبليه كلمات اغنية
- كلمات : احمد غريب
- الحان : محمد سلطان
- توزيع : اشرف البرنس
