كلمات اغنية ماشية ازاي محمد سلطان 2023

مش عارف ماشية ازاي أنا أقول لك ماشية ازاي

زي السكر في الشاي مش عايزة زكاوة

تشغيل مخ وتفتيح ونفاق واضح وصريح

تلقى الخايب والميح ماشية معه حلاوة

من إمتى كانت ماشية أصول علشان تستغرب وتقول

ليه مكاني خذه واحد غيري مش شاطر ولا عنده قبول

ماشية بضهرها عكس عكاس ما لهاش معيار ولا مقياس

وأهو وكله بيسترزق وأهي ماشية والسالك فيها الهجاص

بس أنا متفائل والله وعندي أمل في الله أوي كبير

إن أنا طول ما أنا فيها بعافر بكرة يبقى لي شأن كبير

بيجي لي آه إحباط أحيانآ وبحس إن مافيش تقدير

بس بقوي عزيمتي واقول كل تأخيرة وفيها خير

الشاطر بيحاربوه والناجح بيهدوه

والفاشل بيجاملوه علشان بيطبل

توصل يتلموا عليك ويسقفوا جامد ليك

غير كده كله بيديك ضهره ويستهبل

بخت ورزق وحظ أكيد بس المؤسف بالتأكيد

اللي بيتعب علشان يوصل مش لاقي اللي يمد له إيد

هو الحظ ده نظره ضعيف مش شايف غير دول وكفيف

طب ما في ناس في الصخر بتنحت والناس شايفة وجودهم طيف

بس أنا متفائل والله وعندي أمل في الله أوي كبير

إن أنا طول ما أنا فيها بعافر بكرة يبقى لي شأن كبير

بيجي لي آه إحباط أحيانآ وبحس إن مافيش تقدير

(بس بقوي عزيمتي واقول كل تأخيرة وفيها خير (خير