كلمات اغنية مستورة معايا محمد سلطان 2021

مستورة معايا

وبحمد ربنا وأشكر فضله، شكر مالو نهاية

مستورة معايا

كل ما أقع وقعة بقوم منها، سليم ومرايا

مستورة معايا

ورغم أن في ناس ياما حواليا، بيتمنوا أذايا

عيني متكسرتش ومتلطتش فأي حكاية

أنا مش مكشوف عني حجاب

ولا متحصن من الأسباب

أنا واحد علي ربنا ساب

أمره وراضي بالمكتوب ليه

ظني في ربنا عمره ما خاب

عمره فوشي ما قفل الباب

وراضي بأي بلاء وعقاب

طول ما أنا رامي حمولي عليه

بقابل ألف لئيم ولئيم

وناس قلبها من الغل جحيم

وبطلع منهم صاغ سليم

علشان ربنا عالم بيا

وعارف إن أنا ماشي مستقيم

لا يعادي حد ولا ليا خصيم

ولا جيبي دخله حرام مليم

ولا أمي كانت داعية عليا

مستوره معايا

مستوره معايا

وكل ما بتضيق بيا الدنيا بتفرج ويايا

مستوره معايا

ربنا عمره في يوم ما نسيني، وما بعتش عشايا

مستوره معايا

وببوس إيدي وش وضهر يوماتي، وأقول في دعايا

يا رب ما تحوجني ولا تجعل كسرة نفسي بلايا

ماشيه معايا عشان أنا طيب

وياما في حقي بعدي وسيب

وبقول ربنا عدله قريب

ويا بخت إللي نام مظلوم

لا بنافق ولا خون ولا بكذب

ولا بطبل للناس عشان أعجب

وفي أذى حد مش بتسبب

مهما أذاني حد في يوم

عملي الطيب قاعد ليا

بعمل خير يترد ليا

ومفيش حد بيجي عليا

وبيكسب عشان إبن حلال

كل ما رجلي تقع في الخية

بلاقي إللي بياخد بأيديا

ويوقفني علي رجليا

وفي شدتي يرميلي حبال

مستورة معايا