كلمات اغنية يا مغرور محمد سلطان 2023

يا مصدق الأيام ما تتعشمش واصحى وفوق

ده مفيش كبير ع الأرض غير بس الكبير أوي فوق

لو كانت ليك السلطة إنك تأذي خلق الله

خاف دعوة المظلوم تترد ليك من فوق

بقينا كثير نشوف الناس ما بتحللش وتحرم

طريق الظلم ماشيين فيه طريق العدل متحرم

بنشهد زور مع القادر عشان فاجر

وكلمة حق ع المساكين بتتحرم

يا اللي مفكرها هتدوم ليك الدنيا إيجار ومش تمليك

والزمن سمسار كبير بكيفه يبيع ويشتري فيك

هتمشي وتيجي ناس ثانية وهو ده حالها ما هي دنيا

لا ليها عزيز ولا غالي بتغير طبعها في ثانية

يا مغرور والغرور واخذك وفاكر الدنيا هتدوم لك

تعيش على قد ما هتعيش مسيرك للتراب وحدك

ما تمشيش سكة البطال وفرق بين حلال وحرام

في قبلك ناس كانت قادرة وكله على الكتاف اتشال

قدر مكتوب وكاس بيدور وبكرة عليك هيبجي الدور

يا ويلك لو تموت ظالم يا بختك لو تعيش في النور

ما تتعشمش في الأيام وتحسبها لسنين قدام

ومهما الدنيا ضاقت بيك ما تستحلاش قرش حرام

بقينا كثير نشوف الناس ما بتحللش وتحرم

طريق الظلم ماشيين فيه طريق العدل متحرم

بنشهد زور مع القادر عشان فاجر

وكلمة حق ع المساكين بتتحرم

إنتم دي الوقت بتسمعوا نجم الأغنية الشعبية محمد سلطان

يا طمعان بكرة هتسيبها بلاش صدقني تحسبها

دي دنيا آخرها فاضي زوال ما تتعلقش في حبالها

دي فانية والدوام لله حتعمل خير تروح تلقاه

ومين في الدنيا كان سلطان وخذ في جيوبه حاجة معه

هتاخذ منها إيه ينفع لا مال ولا جاه معاك ينفع

مفيش غير حسنة تعملها ودعوة حد ليك تشفع

غرورة ودنيا متعابة وتوعد بس كذابة

ومهما العمر طال فيها هييجي اليوم ومتسابة

ليه تسقي الخلق من سمك ولا بنشوف خير منك

بتأذي في كل خلق الله وعايش بردو ولاهمك

تنام وتقوم على القسوة في نظرك كله ولا يسوى

وتوعد كذب وبتخلف لا عندك أصل ولا نخوة

بقينا كثير نشوف الناس ما بتحللش وتحرم

طريق الظلم ماشيين فيه طريق العدل متحرم

بنشهد زور مع القادر عشان فاجر

وكلمة حق ع المساكين بتتحرم