كلمات اغنية كريم الجرح محمد صبّاحي 2022

تمد الجرح بيدينك هديّة ياكريم الجرح

تقول ان الهدايا ما ترد ولازم اقبلها

وانا دام الهدايا منْك ابقبلها بصدرٍ سمح

واقول الفين شكرا يا عساني معْك اجمّلها

احبك حب مايوصف ولو حتى يطول الشرح

انا اللي عمره وقلبه وروحه لك مسلمها

وانا اللي باني بقلبه لك بيوت وقصور وصرح

وانا اللي ماسوا حبك عيوني دوم مِسهِرها

بشرع الحب لك يسمح ولو توصل لحد الذبح

انا لك كلّي محلّل ولو روحي تعذبها

وانا والله و لو بخفي غرامي عيني بتفضح

وعين اللي يحب تصدق ولو حاول يكذبها

على كيفك ترا حالي بغيته حزن والا فرْح

كذا صارت ترا احوالي على كيفك تقلبها

حبيبي والخطا منّك بعيني صرت اشوفه صح

وصلت لحاله بحبك عجزت اني افسرّها