كلمات اغنية ساكن في حي السيدة محمد عبد المطلب 1969

ساكن فى حي السيدة .. وحبيبي ساكن فى الحسين

وعشان أنول كل الرضا .. يوماتي أروح له مرتين

من السيدة لسيدنا الحسين

علشان حبيبي زي الغزال .. يوماتي أهجر حيّنا

وكل واحد عني قال .. عاشق وقلبه مش هنا

وأنا قلبي متحير ما بين .. السيدة وسيدنا الحسين

ندر عليا لو يميل .. ويحب يسعد مهجتي

وحياتي لارد الجميل .. للي هداه لمحبتي

وايد بنفسي شمعتين .. للسيدة وسيدنا الحسين

أفوت على بيت الحبيب .. أقول جريح يا اهل الهوى

وياريت يكون لي معاه نصيب .. والحب يجمعنا سوى

والفرحة تبقى فرحتين .. من السيدة لسيدنا الحسين