كلمات اغنية اللي جرى لك كان ياما كان محمد فوزي 1954

اللي جرى لك كان ياما كان

واللي حيجرى يكره يبان

يا صاحي والكون نعسان

ليه تشكي وتبات سهران

ده اللي جرى كان كان ياما كان

اللي جرى لك أديك شفته

واللي حيجرى حتشوفه

ايه فايدة الفكر وحيرته

والقلب و لازمة خوفه

لا الفكر حيرجع أيام

عايش جمالها في خيالك

ولا القدر عنك حينام

طول ما انت سهران بأمالك

ولا تشغل قلبك

ولا حد يهمك

ده اللي جرى كان ياما كان

الدنيا بتجري اجري واسبقها

أوقاتها بتصفى للي بيسرقها

من كل جمال اقطف زهرة

واعشق من كل جميل نظرة

وان فاض الكاس اشربه مرّة

واوعى تخلّي منه لبكره

دي الساعة اللي انت عايش فيها

يمكن يجي يوم تبكي عليها

ولا تشغل قلبك

ولا حد يهمك

ده اللي جرى كان ياما كان