كوبليه ما هي كلمات اغنية بقيت غريب مسار إجباري ...؟
تاريخ طرح اغنية مسار إجباري الجديده بقيت غريب
٢١ نوفمبر ٢٠٢٢
كلمات اغنية بقيت غريب مسار إجباري 2022
انا بسألك جاوبيني بصراحه
هل يعني و انتي بعيده مرتاحه
طب فيه مساحه تسألي واحشاك
طب فيه مساحه تخلقي مساحه
الورد لونه رمادي في غيابك
و الوضع متلعبك و متشابك
انا مش بقولك ترجعي لكن
انا بطلب منك تراجعي اسبابك
هو الفراق ده حباله واصله لفين
شايفك في نظرة كل قلب لعين
و في كل عين بقابلها في الشارع
احنا افترقنا و لا متخاصمين
من غيرك بقيت غريب
غريب غريب غريب
لسه العيون بتتوه مع التفاصيل
لسه الجميل بيقول عليا جميل
طب عارفه اكتر حاجه محتاجها
كتفك في كتفي عشان بدأت اميل
قلبي الغريب عني بيسألني
كان قصدك ايه يوم ما مشيت
و عنيا في المرايات بتقتلني
ازاي قدرت اقول انا استغنيت
بقيت غريب بقيت غريب
غريب غريب
سايباني وحدي و وحدي ناقص روح
بصرخ و لكن مفيش اثر لجروح
مكتوب على القلب مغلق للأبد
لكن حتيجي حتلاقيه مفتوح
بقيت غريب بقيت غريب
اغنية بقيت غريب مسار إجباري 2022 بالكلمات مكتوبة كاملة من كلمات احمد الراوى والحان هانى الدقاق وتوزيع مسار اجبارى تم طرح اغنية مسار إجباري الجديدة على القناة الرسمية على اليوتيوب بتاريخ ٢١ نوفمبر ٢٠٢٢ كوبليه كلمات اغنية
- كلمات : احمد الراوى
- الحان : هانى الدقاق
- توزيع : مسار اجبارى
