كوبليه ما هي كلمات اغنية مفارق ليه مسار إجباري ...؟
تاريخ طرح اغنية مسار إجباري الجديده مفارق ليه
٠٥ أبريل ٢٠٢١
كلمات اغنية مفارق ليه مسار إجباري 2021
كأنك هش كأن القلب ده ماعافرش
إيديك بارده وعينيك نامت
كأنها نكته ماتضحكش
خلاص سلمت
ومش فارق معاك الوقت
ولا فارقه معاك صحبه
ولا سامع ندا من حد
مفارق ليه
ليه ما اخترتش تكون موجود
لوحدك ليه
بتختار انك انت تموت
ولكن بص
ناقص كام حاجه منك بس
نسيت تمضي انصراف للخوف
نسيت تمضي حضور للشمس
نسيت تضحك
نسيت تكتب هنا اسمك
وعدَي العمر كله عليك
نسيت تبعت تجيب نفسك
مفارق ليه
ليه ما اخترتش تكون موجود
لوحدك ليه
بتختار انك انت تموت
فيه لسه حاجات ماقولتهالكش على اعتذارات وكام دمعة
فيه لسه سلام وحضن بطول كل سنين الغياب بينا
مفارق ليه
ليه ما اخترتش تكون موجود
لوحدك ليه
بتختار انك انت تموت
اغنية مفارق ليه مسار إجباري 2021 بالكلمات مكتوبة كاملة من كلمات رنا صبرة والحان علاء الكاشف وتوزيع علاء الكاشف تم طرح اغنية مسار إجباري الجديدة على القناة الرسمية على اليوتيوب بتاريخ ٠٥ أبريل ٢٠٢١ كوبليه كلمات اغنية
- كلمات : رنا صبرة
- الحان : علاء الكاشف
- توزيع : علاء الكاشف
