كلمات اغنية سيف الصعب مسفر السندوانة 2021

 سيف الصعب

غزّرت من غزْر البيوت لغزاري

اغزر غزرها من غزر بحر غزوين

لي فكر يغذف غاذفات الصواري

كل بيت يحمل ف الجزاله عناوين

ناصر بن الشراخ للجزل واري

مجنون كان الجزله الها مجانين

مسفر يمسفر جرّ عذب الاوتاري

ابغي لحنها فارق ف التلاحين

على الثنا ماحدني وضع طاري

الا الوفاء ومد الوفاء للوفيين

موجهه للي بفعله انماري

محمد امّرخان طلق الحجاجين

الصعب اصعب من وحوش الضواري

واصعب من اللي ف الصعايب صعيبين

هذا ابو سلطان عاصف مداري

ياخذ بدال الرمز ف الوعد رمزيين

مايحضر إلا لا غدا الشوط ناري

وحضوره يولّع على الشوط ناريين

ل منافسه ينزل نزول اضطراري

يخيّره ثاني ولا له خياريين

عوايده للي لفعله امّاري

يمره امرار ويرى المر مريين

صغير نفس ويكبر امن الكباري

يعلى على نجومن عَلَتَ ف الميازيين

يملك سلايل تعْرف الانتصاري

سلايلن تغنيك للبعث والدين

في مشتراهن مستشار استشاري

يشري ويدفع غاليات الملايين

ف ملتقى الوثبه ومحفل كْباري

توافدت حولن تهز المياديين

حولن خطيره والاسامي أخطاري

واخطر شعارات وأسامي خطيريين

صفّت كتيبة صفّن على الستاري

ويوم ارتفع راحن مراح الشياهين

بـراهية يي ييّتَ الانتحاري

تنحر نحر والنادره فشوطها تحيين

من خفها للخف ماشي ثواري

ادّوس لاكن دوسها مول ميبين

هبت عليهن مثل ريح الذواري

وكأس الذهب امسى ف كفينه رهين

وبسيوف شل السيف والجمع حاري

تفاجئو اخر مدى يات من وين

عند انحباس الاكسجين انهياري

لمحة بصر مرت عليهن من يمين

شقرا البدن شروا شموس النهاري

مشباحها ما يقطعنه فــ يومين

ويهٍ فليح ويوفها به مداري

ممدود غاربها وعسمات اليدين

روس المناكب مع حلاة المواري

وفجَارها مقوّس على راس ضلعين

والسيف والناموس والانتصاري

في كف ابو سلطان راحوا مهنيين

وختامها يعل المزون الغزاري

ف ديار ابن مرخان تمطر سبوعين