كلمات اغنية احلى اثنين مشعل الشراري 2024

من يشوفه بدا يومه حلاه وعين مرسومة

ياليت أدري وش علومه يغيب ولا أعرف أخباره

عليه أحن واتوقي وأظنه من كثر شوقي

صنع في حب بعروقي قراره قلبي وداره

أبصبر حتى لو أبطى وأبعطي لو هو ما أعطى

يا قلب أتمنى تتخطى عذاب البعد وأمراره

ما يوم إحساسي أخفيته إلى مني تباطيته

أجي لأسواره وبيته وأحب الناس والحارة

إذا جت دربي بدربه سريع الوقت في قربه

يمر وكيف ما أشعر به صحيح الدنيا دوارة

تفاصيلك خذتني لك نهاري لك وليلي لك

غريبة هي تفاصيلك نحس الحب في قلبين

كأنك عارف أسراري تحس وتقرا أفكاري

وترحم حالي وتداري تشد ولاشكيت تلين

ما عاش اللي يفرقنا مادام الحب يجمعنا

ما أحد عن بعض يمنعنا نعيش الود متصافين

بعيد وحاضر بصدري ياليته بس لو يدري

عن اللي بغيبته يجري جفا يوم بعذاب سنين

لو العالم يذمونه أنا راضي ومجنونه

يا لبى نظرة عيونه نعس عين وحمر خدين

ما غير أسهر مع أهاتي وأفكر فيه وأحاتي

وترجع لي معاناتي أنا وين و وصاله وين

يا أجمل ما صدح صوتي وأجمل بيت في بيوتي

بلاش تطول يا سكوتي عيونه شعر من شطرين

مشيت وجيت في بابك وأنا ماني من اقرابك

صدف لي حظي وجابك هلا بك جيت لي منين

تعدى حبك الآفاق ما غير إسمك على الأوراق

كتبت بحيطة العشاق حبايب دوم وأحلى اثنين

حور عينك يعذبنا وكل ما فيك يجذبنا

جمالك دوم ما يفنا عيونك سيف أبو رمشين