كلمات اغنية تمنيتك مشعل الشراري 2023

عطيتك كل ما عندي من إحساس وغلا واشواق

فرشت دروبك ورود العبير ومسكنك عيني

كتبتك أجمل بيوت القصيد اللي عن العشاق

وغنيتك على اللحن الحزين اللي مبكيني

تمنيتك مع أوقات المطر تقبل عليّ مشتاق

وأنا مثلك من اللهفة أجيك وفارد إيديني

أخيلك مثل ما خال السحايب خالد الزعاق

عسى عقب المحل ياتي عليّ غيثك ويحييني

ولكن ما لقيت إلا بعد قربي جفى وفراق

وأنا ماني مقصر بك ومهديك أجمل سنيني

ولكن ما لقيت إلا بعد قربي جفى وفراق

وأنا ماني مقصر بك ومهديك أجمل سنيني

عرفتك خاين العشرة بلا ملة عديم أخلاق

وأنا اللي كنت أحسبك بايع الدنيا وشاريني

على شرواك وش ضنّك؟ نزل دمعي وصدري ضاق

يهون الموت في عيني ولا طرد المقفيني

ظلام الليل يتلاشى إذا جات شمسنا بإشراق

وتدري بأنك الخاسر وتتحسف وتبكيني

يهل الدمع من عينك من الحسرة يجي دفاق

تساومني على الرجعة وأنا ما عاد يمديني

تسهّل ماني بقايل عسى دربك طويل وشاق

وأنا ما ودي أدور طريق لك يوديني

تسهّل ماني بقايل عسى دربك طويل وشاق

وأنا ما ودي أدور طريق لك يوديني