كلمات اغنية جرح صدك مشعل الشراري 2023

حفظت عهد المحبة والمحبة شعور

حفظتها رغم صدك والجفا والعناد

تركت حبك بقلبٍ بالغلا ما يبور

أعطيتك أغلى مكانه يا الغلا والمراد

واعطيتني جرح صدك والكبر والغرور

جرحك تسبب لعيني ما يجيها الرقاد

بغيت منك المودة واللقاء والسرور

واللي لقيته يعاكس ما بغاه الفؤاد

دخلت صدري ولا لك بالحنايا عبور

واوجعت صدرٍ يشوفك بالحياة الضماد

واليوم ما لك بقايا بالضمير وحضور

قررت هجرك وهذا المعتمد والوكاد

شفت التغافل بعيني بالعلن والقصور

واقفيت قبل المشاعر بالمواجع تباد

عادي تعيش القطاعه والوصال مهجور

لاصار نار المفارق بالنهاية رماد

كمل غيابك وعيش بدنيتك ومعذور

وقتٍ جمعني بحبك يا عسى ما يعاد

دونك تركت المشاعر موتها بالجذور

وتركت شمعة غلاتك تنطفي بالسواد

بعدك فهمت المحبة دربها ومخبور

ما شفت واحد مشاها بالعمر واستفاد

أنا أشوف الجروح اللي بصدري طهور

لذنوب حبك وهذا ما طلع بالحصاد