كلمات اغنية ياقو قلبك مشعل الشراري 2022

لا تحسب إني بعد فرقاك عيني تنام

يا قوّ قلبك وباسك كان عينك تنوم

القلب بعدك ذبل والحال عقبك حطام

من سبة الشوق لك في كل لحظة ويوم

ظلمتني بالفراق اللي عليه الكلام

واصبحت أعاني عقب فرقاك حزن وهموم

ياما زعلنا وراضينا بعض من خصام

وياما تحديت أنا وياك كل الخصوم

وش ينفعك في الجفا ترمي عليّ الملام

إرحل وكلٍ على نفسه بنفسه يلوم

الشوق، الشوق ياما عليك يجيبني والهيام

والعين تصحى على زولك تنام وتقوم

شمعة حياتي طُفت وأصبحت وسط الظلام

والونة كأنها بين الحنايا تحوم

حرام يا خلي اللي صار والله حرام

أجحفت في حق نفسك يا الجحود الظلوم

بالله يا أهل الهوى بالله يا أهل الغرام

قولوا له إن الجفا والصد ما له لزوم

من عقبكم ما على الدنيا حبيبي سلام

ما فيه داعي عقب فرقاك شي يدوم