كلمات اغنية تفل أمها منصور الوايلي 2021

عتبت لْغيبتك منّي

بدون ظْروف في ظنّي

انا من غيبتك كنّي

وحيدٍ في زحام الكون

امانه قول شخبارك

انا توّاق لاخبارك

متى بتنوّر دْيارك

تفرّح بالمجيّ عْيون

انا ولهان وافهمها

عسى طلّتْك مَ عْدمها

حرام العين تحرمها

تشوف الزين يا مزيون

انا مجنونك العاشق

وانا عارف وانا واثق

انا اللي فالهوى صادق

و لا يسحب غدر وايخون

يشابه وجهك القمرا

تفوز اخدودك الحمرا

على البضيا مع السمرا

اذا شافوك ينغبون

وشامه بسفل اشفاتك

وربّي تقتل اصفاتك

وتتبختر بخطواتك

وانا يا سيّدي مفتون

اذوب بْزينك الباهر

واموت بقلبك الطاهر

واشوفك فالدّلع ماهر

تجيب الروس يا مجنون

بحبّك هايم و هاني

ولا أبغى احد ثاني

مدامك حيل تهواني

تفلّ ام امّها واتمون

الا يَ الآمر الناهي

على قلبي و متباهي

يَ ملفت نظرة اللّاهي

بسلهامه و غمْز اعيون

من ارجولك الى راسك

اصيل بْحسنك و ساسك

اهنّي أهلِك و ناسك

وهم في قربك يْعيشون