كلمات اغنية الراعد البراق منير البقمي 2015

يجدد غلاه الماطر الراعد البراق

تسوقه علي من يمته نسمة القبلة

يعيد الفلم في بالي وتملي الأحداق

مواريد مكنونه بعد ما نثر وبله

وضلى على وسق المحاجر ثلاث أعماق

يا لين انفتر حيل الهدب وانفلت حبله

وقام يتدفق مع مسيل الجفن وانساق

مدافيق سيل راجي السيل يرقب له

إله عام ولا أكثر وهو ما ثناله ساق

يسج الفياض يدور الشيح والربله

في عينه لو يضيق الزمن خاطره ما ضاق

تحمل لواهيب الشقاوة عشان ابله

تباشر بها ما يدري إنها دموع فراق

فراق الممات اللي فلا كنت أحسب له

وقع والوقايع تعزل القلب في الأعماق

عن الواقع اللي يعجز القلب يُنسب له

تحايل عليّ الفقد وسوى بقلبي عراق

تقاطع ضلوعي بين حيه ومنذبله

أكفكف بكفين الحيا دمعي الدفاق

أداري جروح القلب من كلمة خبله

تجيني من العاذل وتركي عليّ حراق

وأنا صدري الحساس ما هو براغب له

ياليت العواذل ما لها ألسنة وأعناق

يموت العذل في صدرها قبل تندب له