كلمات اغنية انا حزين منير البقمي 2017

انا حزينٍ نثر همه على سطره

لو مغريات الزمن معاد تغريني

والجنة الخالدة والسمعة العطرة

الثانية شيمتي والاولة ديني

والشاعر اللي كتب شطره على شطره

غنّى على صدتك مسحوب وهجيني

على بقايا الغرام اللي قضا وطره

وقفت افكر وش اللي ضيّع سنيني

تبحث خفايا المواجع ريحة المطره

تظهر لها حاجة(ن) من بينك وبيني

كبدي من ملاوع الهجران منفطره

وتقول وش فيك وانت تعرف وش فيني

عليك قلبي حزين وحالتي خطره

وان جيت ابا اكلمك ماعاد يمديني

ذبحت حلم اليتيم اللي على الفطرة

قد قال مليووون مره لا تخليني

شفتي حياة الملوك وعيشة البطرة

تسوى نهارن شبكت يديه بيديني

هذي رسايل مواعيده وذا عطره

تقول كنها على العبرة توصيني

ماعاد باقي من دموعي ولا قطرة

اللي بقى من دموعي هلته عيني