كلمات اغنية سحاب وسم منير البقمي 2017

يالله بمزن معه منّا ومنّا جناح

‎جنحان رحمه تشيله والنسيم اطرقه

ياحلو براقه اللي لاخذا اشوي لاح

‎وليا نوى يجدع اللي فيه مال اشنقه

على العبال اتّمشابه متون الرياح

‎وريح الندى مع ذعاذيع الشمال اسبقه

ياحيه اليا اكتسح شهب البقاع اكتساح

‎من غزر صبه غدا وجه الدكاك امرقه

يغسل بقايا العجاج اللي وطاها وراح

‎عجاج قيضٍ مسك عرق الثرى واخنقه

وبرد على كبدها العطشان ديمٍ قراح

‎وجذع الشجر عل منها لين بش اعرقه

سحاب وسمٍ يسبب للصدور ارتياح

‎سبحان ربٍ من ابطون البحور اخلقه

تلبست منه ريضان الصحاري وشاح

‎وفيهن تحصل مساجين الهموم اطلقه

ثقل الحياه الدنيه والعنا والكفاح

‎اركت على الناس لين الناس جاها اغلقه

تلقا لضيقاتها وسط الفياض انشراح

‎مثل انشراح الغني لاعطى الفقير اصدقه

يبغالها جيب وانفوسٍ تحب المراح

‎انفوسٍ اقلوبها فيها ميانة ثقه

ربعٍ تحب الوفا واتحب درب الصلاح

‎ماهي صداقة سهر ليله ولعب اورقه