كلمات اغنية فرصة سعيدة منير البقمي 2020

قسوة ظروف الحياة اللي نعاندها عنيده

والفرص مثل الطيور اللي ترفرف باجنحتها

الحظوظ تصيدها للناس لو ماهي بصيده

كثر ماتطرد ورى الدنيا على قل ثمرتها

ياولد ماهي على كيفي وانا والله وليده

قمت اصادمها ولاافكر بشيٍ من جهتها

اغلب اللي ماشيه معهم ماهم ماشين سيده

والكرامه ماتهون النفس غير اليا اخسرتها

لا انكسر ظهر العضيد اللي فقد وقفة عضيده

وانكشف ستر الدموع اللي عيونه مابكتها

لايمه ماهو فقيد ولافقد مثله فقيده

كنه اللي فوق الارض يعيش واحساسه تحتها

هبّ ياوجه الفراق اللي لا دين ولا عقيدة

والطعون اللي لو انسى النفس يمكن مانستها

ولّ ياهمٍ قديم وقصة الجرح الجديدة

خيبّت ظن العلاقه عقب مادارت سنتها

عاد عيدك يالحبيب اللي معي ماعاد عيده

قل ادبْك مع المحبة لين قلتّ خاتمتها

احسب ان الفرصة اللي جابتك فرصة سعيدة

ليتني قبل اغتنمها ما حضيت بمعرفتها

كل طاري لك قريب وكل سجاته بعيده

سولفت ذكراك لو ماودي اسمع سالفتها

يابعيد الشوق كنت اقرب لدمي من وريده

وصرت انا اللي من طعن نفسه بنفسه وجرحتها

لاسمعت آخر قصيدة مالك الا هالقصيدة

احتفظ فيها عسى ربي يقنعك بركتها