كلمات اغنية مهندس الرؤية منير البقمي 2024

يا مهندس الرؤية كعام المفسدين

خزمت عدوانك بتاريخك خزم

بطشت فالاعداء بجنبٍ ما يلين

واطلق شنب قدام وجهك ما يزم

حسادك من الغبن راحوا مفلسين

من يسحب اذيال الهزيمه منهزم

وحنا معك ما نستمع للمرجفين

شعبك يردد شق دربك واحتزم

شفنا على جنبك من يسار ويمين

كلٍ يعدك له ولد عمٍ لزم

شبهتنا بطويق يالحر الامين

ضلع شمخ ماهو بـ قاع ولا حزم

ياسيدي حنا بنهجك مقتدين

عملاق بافكارك ويفداك القزم

عرّاب دولتنا سفير الطيبين

حاكم بشرع الله تعالى ملتزم

خلدت لك مجدٍ يسر الناظرين

يا درعنا الضافي ليا الوضع اتزم

و اخمدت نارٍ تشتعل طول السنين

حتى حطبها اللي يحذفونه رزم

اخمدتها من حنكتك في ساعتين

الروس تقدح والبنادق ما تزم

والسيف الاجرب في رقاب المعتدين

كنه على قصّاف الارواح يعزم

عينتوا الارهاب والمتطرفين

عمّ الأمن والفضل لاولات العزم

شكراً ولي العهد فخر الامتين

عسى اليمين الطايله ما تنحزم

الله جعل خيرك يعم المسلمين

الله من طيب النوايا والعزم

ساسك عريق من الجدود الاولين

من يجهل معزي و سلمان الحزم