كلمات اغنية ودي ارتاح منير البقمي 2019

خذوني من الحزن انا ودي ارتاح

السد باح ولا بقى لي وسيله

والله ما به شخص عايش ومرتاح

كن الحزن فقلوبنا ننتمي له

ياليت لي صبرٍ مثل صبر فلّاح

يصبر ليال اطوال يرقب حصيله

تومي بي احزاني وانا اومي بمسباح

ما كني الا واطيٍ لي مليله

سامرت نجم الليل لا نور الاصباح

واخفاه ضوح الشمس واخفى دليله

عزّي لقلبٍ فاقدٍ طعم الافراح

ذاق الالم من شخص عدّه خليله

فقدت راس المال كله والارباح

راح العشير اللي ذبحني) رحيله

الفقد(حسره)مثل ما الشوق فضاح

والوصل جنة والكرامه تحيله

مهما الظروف اجبرتك تعود يا صاح

تكفى لا ترجع واعتبرها جميله

قضيت بعد اغيابك العمر سواح

تايه واجر الصوت سكه طويله

سمعت شطرٍ زود اجراحي اجراح

اللي وقف بيني وبينك قبيله

عسى الزمان يزين والحزن ينزاح

يالله لطفك بالنفوس العليله