كلمات اغنية الفارسي سيف المراجل مهند البطحري 2024

الخيال الواسع الي يلفت الافكار ودّه

يلهم الشاعر بـ فكره عالميّه من خياله

شهرة الشاعر من المعنى و عنده ما يسدّه

يلفت الإعلام والجمهور صوبه لا محاله

من بحور السبع غنيت الفرايد والاّشده

كل بيتن اكتبه قالو شطر بيته لحاله

شاعرن عندي من الابداع صوره مستجدّه

تعجب الموهوب والمستشعرين الجزاله

يا سلام الله على الي في مواقفنا نعدّه

طيب رأسه ما تعذر فاللزوم ولا شكاله

والمدايح في سموّه كل ليله مستعدّه

والقصيده تطرب الشاعر ليا منّه طراله

لا طرا بوسيف جات المستحيله مستبدّه

والأسامي واجده مير الفخر بسمه لحاله

لله دره ما تزعزع من نصاه ولا يردّه

يقضي الحاجه و سد المستحيله من مجاله

من قبل لا يشرب الفنجال ضيفه مايردّه

مجلسه مدهال للقاصي و داني لا نصاله

والله انه كاسب النوماس من حدّه لٰـ حدهّ

يا جعل يفداه راسن فالمواقف مرتكاله

ذاك دكتور المكارم والمفاخر والمودّه

ما مدحت إلا كريم الي مضريها جماله

فارسي والفارسي سيف المراجل لي تعدّه

ماخذن صيته و فعله من عمام و من خواله