كلمات اغنية بين الخيال المفترض مهند البطحري 2024

بين الخيال المفترض وحزان فالواقع ذليل

ترسم خيال الشاعر الموهوب من فكرة هواه

وانا ليا غنيت بفكاري على بحر الطويل

تنزح شعوري للظروف الي تعاكس الاتجاه

اهرب من الواقع ولا ادري على وين الرحيل

اخاف من طاري المفارق مثل خوفي للصلاه

حالي مثل حال الكثيف الي يدور له ظليل

راحت حياته والقدر مكتوب يامال الغناه

ودي اعيش الحال والعالم لحاله يستميل

واميل للعزله و ماشي خاطري لبعد مداه

الزين يشعى قلبي الميلاف لين انه يحيل

لو تتركوني سج وسبح في تفاكير الحياه

من زينه الطاغي طغى كبره على العالم مثيل

ويحقّله امن الدلع والغطرسه في مستواه

ماودي ادخل في تفاصيله و في وصف الجميل

اخاف غيّر في تفاصيله ولا بيّن غلاه

سلم علي الي سمعته فالدار من وزن الثقيل

وسمه و كلمة ونعم يستاهله وجه و قفاه

تلقاه في عجمان رحب بالجموع الي تسيل

هذا يبي فزعه و ذا معزوم وملبّي نداه

وابن غليطه المدايح في سموّه كل ليل

وسمه يروّج للقصايد لين تاخذ محتواه

شيخ المراجل والفعايل كنها سيفن صقيل

وكثر فعوله فالخفى ماهي بتطلع من رضاه

لا ضامتك سود الليالي والظروف الي تميل

ابشر بـ وقفت بن غليطه لا توصّي له وصاه

هذا وزير المرجله دايم عسى عمره طويل

ياليت بوخالد أمر منصب وزاري(ن) عطاه

منصب وزير المرجله ومكافحة يد البخيل

اي والله انه لا وقف شامخ و حي الله نباه

والله من الطنخه يماريها على خشم الفتيل

كسب العلوم الغانمه طبعه و طبع الي وراه

هاذي عوايد بن غليطه يعشق الصعبه جزيل

والله يقدرني على رد الجمايل للدهاه