كلمات اغنية ديوان اميري مهند البطحري 2023

مبطين من طرق الابداع من اربع شهور

وتمرجح في خيالي بنيات الفكر

انفتح باب القصايد وجاء للشعر دور

وغيمت سحابة الشعر و امطر يا مطر

هاجسي محزم رهاوي وفالشده يثور

مثل طلق نار يقدح مع الجزله سطر

اتفلسف واجزل القول في كل الامور

شاعرن يفرق حضوره اذا منه حضرر

انتقي بين الآلي اذا غصت البحورر

انثر ابداع القصايد على هيئة درر

والقصايد بعض الاحيان ماتكفي الشعور

انته اكبر مالقصايد ومن جزل الشعر

فيك يامحسن سعيّد قصيدي مايبور

اتشرف بالقصايد واشوش وافتخر

اشهد انك من نسل ناسن طوال شبور

يشهد التاريخ لأفعالهم صبح وعصر

بالشجاعه والكرامه تدرس للعصور

صيتكم يا ابن الشريجي ما يبغا له ذكر

وانته اللي للمعاسير ،، بوابة عبور

من لجا لك طاب حاله وريّح واستقر

مجلسك ديوان اميري عليه الناس دور

كن ربي خالقنك غنيمه للبشر

من شبع من بطش الايام في دنياه جور

يعتبر بيتك طريق النجاه المختصر

داعم اهل الهجن والدعم ماحوله قصور

يا عسى ربي يزيدك على الدنيا عمر

انت ما تستاهل ابيوت تستاهل قصور

اكبر قصور القصايد من ابداع الشعر