كلمات اغنية سيّد الخِرد مهند البطحري 2025

ليت الزمن في يوم مرّه صفالـي

تتزاحم ظروفي شرى مزاحم الوِرد

رغم المتاعب والعناء وانشغالي

بنات فكري يا عرب للعرب شِرد

الوقت خذني بين لاهـي وسالـي

نيشن علي الحظ م اخطاني الفرد

على حسب ظني وكثر احتمالـي

ركّز على آخر بيت في مجمل السرد

ان مال بك حظك وضاق المجالي

عل وعسى احيان يتوافق النرد

راجع حساباتك من اول و تالي

لا بد ما تلغي من اسلوبك الجرد

خلك على ما قيل صدرك شمالي

لا الهجر لايق لك ولا ينفع الطرد

اشفع لـ خلك قبل قص الحبالي

وافرش دروب الوصل بالطيب والورد

مخايلك ودقٍ مذاقـه زلالـي

والا شرى الشرتى ليا ذعذع البرد

خل اللقى فـ العيد ياراس مالي

يا قايد الخفرات يا سيّد الخِرد