كلمات اغنية عنق المها مهند البطحري 2024

وين ابرحل عن غرامه وين

وين ابلقى سكة النسيان

باح سدي من غياب الزين

كيف ابنسى سيد الخلان

في غيابه كل ساعه وحين

له خفوقي شفقٍ وولهان

تحفةٍ ماكنها من طين

درةٍ ابدع بها الرحمان

عنقها عنق المها والعين

عين شيهانه رفيعة شان

والشَعر ليلٍ كسا المتنين

والوجه مثل البدر لا بان

والجبين الصبح والخدين

ورد جوري في طرف بستان

وخشم مثل السيف ابو حدين

وصوت عذب ومبسمٍ فتان

النحر صافي ولا به شين

وخصر ضامر والصدر مليان

حبها فيه القصيد يزين

وتطرب الاوزان والقيفان

لو تغيب ايام والا سنين

غيرها مايسكن الاعيان

بنتظرها واتصبّر لين

يرتوي من وصلها العطشان