كلمات اغنية عاشق المجد مهند محسن 2024

القصيد اجمله لا جا مجاله

واتباها واتشرف في وصوله

امتلا صدري كلام من الجزاله

والشعر له موطن وسلطه ودوله

تخضع الساحه امامي للعداله

وينصف رجال للمجد وينوله

بمدح المغوار من طيب وجماله

لي بدرب الخير له صوله وجوله

غيث للمحتاج ويضلل ضلاله

يا خليفه عشت نبراس البطوله

بالمحك يدوم ابو زايد لحاله

ورجل من مثل ابو زايد فعوله

ما يعرف الصعب ولا الاستحاله

ان وقف بالموقف الكايد يطوله

ابن سلوم لحمل شاله ورتكاله

هو خليفة والخليفه ورثوله

الشجاعه والكرامه والبساله

لابته والنعم فيهم واحتموله

يرخصه من دونهم حاله وماله

يعتزي وليا عزاهم يعتزوله

عاشقن للمجد والمجد استواله

من خلقه الله وهو هاذا ميوله

كل شيً فيك واعطيك دلاله

بس شي واحد وانا مقدر اقوله

مقدر اني اقول لك صاحب جلاله

وانته مواطن نزيه بحكم دوله

والله انك محزمن في كل حاله

المشاكل كل ما جيت محلوله

حد تقضى دينه وحد بكفاله

جملك لي مرسل بدينه رسوله