كلمات اغنية ماجد زمانك ميحد حمد 2023

ماجد الأمجاد هامه صدق هامه جل من صورك ماجد في زمانك

خذت من يدك ومن بوك الزعامه وشفت من حمدان طيبك واتزانك

سقتها من فوق من عالي الغمامه وانت بونك شامخ العليا مكانك

كل واحد حسب قدره واهتمامه نلت قول ونعم من فعلك وشانك

وفيك من مكتوم عدله من حسامه تملك الثنتين في نظرت عيانك

فاللزوم تزوم وتلف العمامه دوم متولم على يوم امتحانك

ومن بغا يتبعك يتبعه انهزامه طاح مايقدر على صهوة حصانك

وانت ذخر الوقت لي زاد احتدامه من ربى محمد وهو عزك وصانك

عز يامن عز قدره واحترامه الله اللي كمل اوصوفك وزانك

ياحشيم في فعوله في كلامه انت لك ينقال صح الله لسانك

نسل بوراشد وهو راس الكرامه من يضاهي هيبتك او عنفوانك

يارفيع المستوى قدر وهامه جل من صورك ماجد في زمانك