كلمات اغنية اسف ميمز 2022

عيشت عمري لوحدي خايف

حابس نفسي ف الكلام

لسة فاكر كل حاجة

مين اللي كان موجود زمان

قالولي لما تكبر الدنيا مش هي هي

قالولي لما تكبر هتشوفها بنظره تانيه

قالولي هتعرف رايح فين لما تبقى كبير

انا شكلي لسه صغير مانا مش شايف التغيير

مش شايف الطريق

مش عارف مين صديق

مش عارف نفسي ابقى ايه

ولا فين الطريق

في كلام كتير جوايا

في حوارات كتير تدور

زي اني كل مرة ببقى اخر الطابور

مش محتاج اكون صبور ، مش محتاج مرايا

حافظني ف العيوب بس بسعى البداية

وسط الطريق تايه

بحاول القىَ نفسي

جربت الف حاجة لسة في كتير ف نفسي

لسة الناس زي ما هي بيستنصحوا

لسة الكلام هو هو ويبجحوا

الواد ده تالف مش عينتوا اللي بينجحوا

ف انا اسف .. مش عارف اكون شبهكم

اسف .. مش هعيش علي مزاجكم

دماغي غير دماغكم

كلامي غير كلامكم

انا ف حالي مش شاغلني مش سامعكم

وانا قاعد فاضي .. بفتكر سرحان الماضي

كل حاجة ايام زمان خلتني جوة حد فاضي

فاضي من الكلام مش بعبر ع اللي كان

فاضي من كل حد مش محتاج منكم سلام

محتاج سلام .. محتاج هدوء

محتاج لكل حاجة تخلي البال يروق

اتخبطت ف الحقيقة

اتخبطت ف الطريق

وان كل حد جنبك

مستحيل يكون صديق

يخافو تنجح يكسروك

وان حاولت يوقفوك

وان بعدت مرة عنهم

يجروا عندك يكرهوك

والدنيا ببابها و مفتاحها

مقفولة و حالفة ما هيش فاتحة