كلمات اغنية بيقولوا قوية مي كساب 2024

بيقولوا قوية وقادرة أعيش ف الدنيا واحارب

بيقولوا يا بختي واجهت ظروف قوّتني تجارب

بس الصورة الحقيقية

اللي ماحدش بيشوفها

إن انا غرقانة ف بحر كبير مافيهوش ولا قارب

واللي انتوا بتحكوا عليها خلاص الهم كسرها

وحياتها بقت واصلة لدرجة ممكن تخسرها

وكإن الحزن ف وسط الناس نشن واختارها

أيوا انا من برة يبان وكإني قوية عنيدة

بس من جوة حقيقتي ان انا مهزومة وحيدة

والواحدة ساعات بتخبي حاجات علشان منظرها

بيغر الشكل ساعات بس المرايات مكسورة

والناس بتشوف من برة يدوب جزء من الصورة

دا كتير الواحدة بتبقى

من جوة الحزن قاتلها

والناس تسألها ترد تقول عايشة ومستورة

واللي انتوا بتحكوا عليها خلاص الهم كسرها

وحياتها بقت واصلة لدرجة ممكن تخسرها

وكإن الحزن ف وسط الناس نشن واختارها

أيوا انا من برة يبان وكإني قوية عنيدة

بس من جوة حقيقتي ان انا مهزومة وحيدة

والواحدة ساعات بتخبي حاجات علشان منظرها