كلمات اغنية عايد حبيبك ناجي بن باصم 2019

يا صوت يام اسمع كلام الجنوبي

صوتك يردّ الروح ، قبل الغروبي

لا ذعذع الغربي ، وضاقت دروبي

دورت صوتك من جميع النواحي

صوت المطر يضرب

على حس صوتك

لو كان تعذيب المواليف قوتك

تعانق ارواح البشر لا يفوتك

خذني معك للغيم وأطلق صراحي

يا وجد حالي عقبهم يا وجودي

قلبي على دعج العيون محدودي

ياليتني للهجر ورّدت ذودي

كان الخفوق من العذاب استراحي

العيد هلّ وجابت العيد فيني

نيّافةٍ تستنزف دموع عيني

وتقول عقب العيد لا تحتريني

الكسر منها ، والكسر في جناحي

كلاً يعايد من يحبه ويغليه

عايد حبيبك والوصل لا تخليه

ما فيه من يغفل عن العيد مافيه

ما دام لقيا من تحبه متاحي

قولوا لها لا رحت ماني براجع

ماني بفاضي ، للعتب والمواجع

تروح مرواح القطى والسواجع

اليا تقفتها هبوب الرياحي

من عزّة النفس النوادر تغذّت

وخيولهم بحتوف بقعا تحذّت

لو العيون من المفارق تقذّت

من يجرع الفرقا ما تلقاه صاحي

تكفون لا تنسون معنا المحبه

كلاً يداري خاطر اللي يحبه

ماهو بصدقٍ فالمحبه مسبه

الحب بلسم للوجع والجراحي

الله ينعا من يخلِّي حبيبه

انا اشهد ان فراقه اكبر مصيبه

جيوش وجداني كتيبه كيبه

صحيح من ذاق الهوى ما استراحي